આપણે શાળામાં બાળકોના અક્ષર સુધારણા માટે ઘણાં પ્રયત્નો કરતાં રહેતા હોઈએ છીએ. અંગ્રેજીમાં બાળકોના અક્ષર સુધરે અને કર્સિવમાં લખી શકે માટે બાળકોને તૈયાર આવતી બુકમાં અને ફોર લાઇનમાં લખવાની પ્રેક્ટિસ કરાવતો હતો. તેનું સારું પરિણામ મળ્યું છે. બાળકો કર્સિવમાં લખતા થયાં છે પરંતુ સમય જતાં આ બુક મોંઘી થતી ગઈ અને અમુક બાળકો તે ખરીદવા સક્ષમ ન હતા. માટે બાળકોને કોઈ ખર્ચ ન થાય અને સરળતાથી એકબીજાની મદદથી લખતા શીખે તે માટે બેનર તૈયાર કર્યા છે. આ બેનરની સાઇઝ 4+8 ફૂટની છે. કેપિટલ અને સ્મોલ બંનેમાં બેનર તૈયાર કર્યા છે. આ બેનરને પ્રિન્ટ કરાવી અક્ષરો અલગ- અલગ કાપી શાળામાં જુદી જુદી જગ્યાએ લગાડયા અને બાળકોને ઘૂટવા અને લખવા જણાવ્યું. બાળકો ખૂબ સારી રીતે લખે છે. આનો ફાયદો એ થયો કે જે બાળકો બુક ખરીદવા સક્ષમ નથી તેઓ પણ પ્રેક્ટિસ કરી શકે છે અને લખી શકે છે, શીખી શકે છે.
'ગમતાનો કરીએ ગુલાલ' એ વાત ધ્યાને લઈ બીજા શિક્ષકો પણ જે આવું કરી કરવા ઈચ્છે છે તેઓને ફરી મહેનત ન કરવી પડે એ માટે આ તૈયાર કરેલ બેનર અહી મૂકું છું. આપે ફક્ત તેની પ્રિન્ટ કઢાવવાની છે અને અલગ અલગ અક્ષરો કાપી તેને શાળામાં યોગ્ય જગ્યાએ લગાડવાના છે. એટલે તમારું કામ પૂરું. આગળનું કામ- ચોક શોધવાનું, ઘૂંટવાનું અને લખવાનું બાળકો જાતે કરી લેશે અને પરીક્ષામાં આપને તેનું પરિણામ પણ જોવા મળશે...
ટોટલ 2 બેનર છે. એક કેપિટલનું અને બીજું સ્મોલ લેટરનું. પહેલા સ્મોલ લેટરની પ્રેક્ટિસ કરાવવી ત્યારબાદ કેપિટલની જેથી બાળકો બંને વચ્ચેનો ભેદ સમજી શકે. જો પહેલા કેપિટલમાં લખશે તો બધુ જ કેપિટલમાં લખવાની ટેવ પડી જશે. માટે નાના ધોરણમાં પહેલા સ્મોલ લેટરના બેનર પર લખાવવું અને બાદમાં કેપિટલ. મોટા ધોરણવાળા બાળકો બંનેની પ્રેક્ટિસ સાથે કરી શકે છે.
મારી શાળામાં બાળકો લખે છે તેનો તેના થોડા ફોટા અને બેનર મૂકું છું. ફોટામાં બતાવ્યા મુજબ દીવાલ પર બેનર લગાડવા જેથી બાળકો નીચે બેસી લખી શકે. બેનર નીચે આપ્યા છે ત્યાંથી ડાઉનલોડ કરી શકશો.બેનર કદાચ આખું દેખાશે નહીં કારણકે મોટી સાઇઝ છે. જો પૂરું ડાઉનલોડ ન થાય તો જણાવશો. જો ગમે તો કોમેન્ટ કરશો અને બીજા મિત્રો સાથે શેર પણ કરજો.
.jpeg)
.jpeg)
.jpeg)
